Saitual ah SCHOOL ANTI-DRUG CLUB : School Master Volunteer ten One Day Training neih a ni.

Dated Saitual the 28th Feb 2025

Vawiin chawhma dar 10:30 khan BRC Hall, DPO, Samagra Siksha, Saitual-ah School Anti Drugs Club - School Master Volunteer te One Day Training neih a ni a, he hunah hian Dr Lalngura Tlau, Deputy Commissioner chu khuallian niin hun a hmanpui.

Khuallian Dr Lalngura Tlau chuan kalkhawmte hnenah lawmthu sawiin high school leh higher zirlaite chu ngaihtuahna a chhia a tha seng thiam tawh tura ngaih an nih thu sawiin tuna an thiltih hian an hmalam hun a hril a ni, a ti. Bawrhsap chuan mihringte duhthlannain hringnun a nghawng thuizia sawiin mi tha chuan an hmalam hun atan thil tha an seng ang a, mi sual chuan thil thalo an seng tur thu a sawi bawk. Zirlai kalkhawmte chu mihring hun bi chhiarah pawh hun chanve an la hman loh thu leh hmalam hun êng tak an neih chu a tha lam zawnga hmang turte, thu tha an hriatte pawh ngaithla liam mai lova a taka zawmtu ni theuh turin a chah nghal bawk.

Vawiina Master Volunteer te One Day Training neihah hian Saitual Town Area chhunga School hrang hrang Anti Drug Club atangin Master Volunteer 5 zel telin, Nodal Teacher ten an tawiawm theuh bawk a ni.

Vawiin Training ah hian Lalfakawmi, Co-ordinator, Pu Benjamin Laltanpuia, Documentation Officer, MSD&RB, Social Welfare & Tribal Affairs ten training an pek bakah Pu Micky R. Lalenkawla DEO/DPC, PiChhuanhlupuii SDEO/Addl DPC, Pu R. Lalhmangaiha Dy. DPC te an tel thei a ni.