Vawiin ni 7th February, 2025 hian Mizoram Social Defence & Rehabilitation Board (MSD&RB), Directorate of Social Welfare & Tribal Affairs chuan an Training Hall, Chaltlang-ah Foundation For Drug-Free Mizoram-a Master Trainers te pualin ‘One Day Master Trainers Training on Drug Abuse Prevention’ chu buatsaih a ni a. Hetah hian Foundation For Drug-Free Mizoram atangin mi 15 an lo tel a, MSD&RB lama mi thiamten ruihhlo leh a kaihhnawih chi hrang hrang an zirtir a ni.
Ruihhlo leh a kaihhnawih chungchang ah tleirawl te hnena rualkhai zawka zirtirna kalpui anih theih nan kalkhawmte hnenah ‘Handbook on Ruihhlo Do’ chu sem a ni a. Zirtirna kalpui dan turte sawiho niin hun tha tak hman a ni. Social Welfare & Tribal Affairs Department lamin moniroting visit te an la nei bawk dawn a ni.
Dr. Lalhriatzuali Ralte, IAS, Director, Department of Social Welfare & Tribal Affairs in fuihna thu tha tak sawiin Foundation for Drug-Free Mizoram te nen kan thawhhona tur ah a phurawm rualin chona tam tak kan hmachhawn tur te a sawi a. Naupang/thalai leh puitling lama drug awareness neihna ah pawh zirtirna/thusawi thlak danglam ngaih chang a awm thu leh a bikin zirlai te ngaihthlak thiam theih tur zawng a thusawi thiam a pawimawh zia te a sawi tel bakah Sawrkar nen Ruihhlo Do na kawngah thawkho kan nih angin inpawhtlang tak si in ,sawrkar duh dan/kal dan phung hrechung a hma la ho zel turin duhsakna a hlan bawk a ni. Participants te hnenah certificate a hlan bawk a ni.
