3 DAYS CAPACITY BUILDING FOR MEDICAL OFFICERS ON AYUSH DE -ADDICTION PROGRAMME
Vawiin 12.05.2025 hian National Ayush Mission, Directorate of Ayush leh Mental Health Programme, Health and Family Welfare Department leh Social Welfare Department te ṭangkawpin a buatsaih ni in ni 3 chhung awh tur , Medical Officers te tana De-Addiction chungchang inzirtirna chu Zarkawt Community Hall an neih a ni a. He hun hi Pi Lalrinpuii Hon’ble Minister, H&FW Dept. leh Social Welfare Department chuan a hawng a. Kalkhawmte hnenah tunlaia Mizoram puma kan buaipui ruihhlo ngawlveina enkawl tur leh hma la turin Medical Officers te chu an pawimawh hle ani tih a sawi a, training hlawk taka hmang tur in a chah bawk.He hunah hian Mizoram hmun hrang hrang a Allopathy leh Ayush Medical Officers thlan bik te koh khawm an ni a. Hemi programme a Resource person hi Dr. Ravindra Rao, Professor, National Drug Dependence Treatment Centre, AIIMS , New Delhi a ni a. Training hun hi ni 3 chhung awh tur niin, Ruihhlo leh a kaihhnawih ngawlvei te enkawlna chungchang zir ho a ni ang.
He Training hawnna inkhawmah hian Social Welfare Director, Dr.Lalhriatzuali Ralte chuan thusawiin Department thawhhona ah lawmthu sawiin hun lo kal zel turah pawh chhunzawm zel tura hmalak ni se a ti. He huna Resource person, Dr.Ravindra Rao chuan India ram hmun hrang hrangah hetianga Health Department leh Social Welfare Department thawhhona hi a la hriat tamloh thu sawiin, rah ṭha tak a chhuah ngei a beisei thu a sawi a, he trainingah hian Dr.Rao hian thupui hrang hrang 15 hmangin Doctor te zirtirna a pe dawn a ni. He training hi a bulṭanna tur niin, tuna training kal ho te hian midangte hnenah an zirchhuah te la hrilhchhawng ve leh tura bulṭanna a ni a. Dr.Rao ho hian Department pahnih ṭangkawp hian training module te duang tura ruahmanna siam mek a ni a. He module hi siam zawh anih hunah tlawmngai pawl hrang hrang te leh a huapzau zawka ngawlveite enkawlna hi inzirtirna neih a ni ang.
Pi Lalhlupuii Sailo,Chief Executive Officer, Mizoram Social Defence and Rehabilitation Board, Directorate of Social Welfare, Government of Mizoram pawh he hunah hian a tel ve bawk a ni.
